учебник на узбекском языке

Jahon tarixi, Milodiy V asr oxiridan-XV asr oxirigacha, 7 sinf, Salimov T.O‘., Sultonov F.E., 2017.

Учебник по истории для 7 класса на узбекском языке.

   Siz 6-sinfda «Jahon tarixi»ning qadimgi davrini o‘rgandingiz. Qadimgi davrda odamlar qanday yashagani, Qadimgi Sharq, Yunoniston va Rim davlatlarining ravnaqi va inqirozlari haqida bilib oldingiz.
7-sinfda esa o‘rta asrlar davri tarixini o‘qib-o‘rganasiz. Bu davr jahon tarixining milodiy V asr oxiridan – XV asrning oxirigacha bo‘lgan davrini, ya’ni qadimgi zamon bilan yangi zamon o‘rtasidagi 10 asrni qamraydi.

Teens’ English, 7 sinf, Xan S., Kamalova L., Jo‘rayev L., 2019.

Учебник по английскому языку для 7 класса на узбекском языке.

   Teens’ English 7 darsligiga xush kelibsiz! Ushbu darslik ingliz tilini o‘qib o‘rganishingizga yordam beradigan qiziq va ajoyib mashq hamda topshiriqlar bilan to‘la. Darslikning oxirida grammatikaga oid ma’lumotlar va lug‘at berilgan. Mashq daftari ingliz tilini sinfda yoki uyda o‘qib o‘rganishingizga yordam beradigan qo‘shimcha mashq va topshiriqlarni o‘z ichiga oladi.
Nazorat ishlarida bo‘limlarni o‘rganish davomida olgan bilimlaringizni sinab ko‘rishingiz mumkin. Tinglab tushunish malakalarini rivojlantirish uchun multimedia ilovasi ham mavjud bo‘lib, undan siz o‘qituvchi yordamida yoki uyda mustaqil ravishda foydalanishingiz mumkin. Ingliz tilini o‘rganib olishning eng yaxshi usuli uni amalda qo‘llash ekanligini unutmang. Darsda va uyda o‘rtoqlaringiz bilan ingliz tilida imkoni boricha ko‘proq muloqotda bo‘lishga harakat qiling.
Biz bu o‘quv materiallari sizga quvonch olib keladi va ko‘p vaqt o‘tmay ingliz tilidan olgan bilimingiz yaxshilanadi degan umiddamiz.

Informatika, 7 sinf, Boltayev B.J., 2017.

Учебник по информатике для 7 класса на узбекском языке.

   Aziz o‘quvchilar! Siz avvalgi sinflarda zamonaviy axborot texnologiyalari vositalaridan biri bo‘lgan kompyuterdan foydalanish bo‘yicha dastlabki ko‘nikma va malakalarga ega bo‘ldingiz. Shu bilan birga, kompyuter – o‘qitish, hisoblash, tasvirlash, tahrirlash, dam olish hamda axborot bilan ishlash vositasi ekanligi haqida ma’lumot oldingiz.
Ushbu darslik yordamida Siz axborotni to‘plash, uzatish, saqlash va qayta ishlash qonunlari, usullari hamda tezkor komp yuterlar va boshqa zamonaviy vositalar ko‘magidan foydalanishni o‘rganasiz. Hozirgi kunda axborotning qimmatbaho mahsulotga
aylanib borayotgani informatika fanining nufuzi va ahamiyati o‘sib borayotganidan dalolatdir.
Taqdim etilayotgan ushbu darslik Sizni informatika olamiga olib kiradi, uning sirlarini o‘rganishda muhim ko‘makchi bo‘ladi, deb umid qilamiz.
O‘ylaymizki, informatika fani sizlarda kompyuter doimiy ko‘makchi va mehnatingizni yengillashtiruvchi vosita ekanligi haqida tasavvur qoldirishi bilan birga, o‘z amaliy ishingizda yangi qirralarning ochilishiga turtki bo‘lib xizmat qiladi.

Geometriya, 7 sinf, A'zamov А., Haydarov B., Sariqov E., 2017.

Учебник по геометрии для 7 класса на узбекском языке.

Фрагмент из книги:
Geometriyaga oid dastlabki tushunchalar bundan 4—5 ming yil muqaddam qadimgi Misrda paydo bo‘lgan. O‘sha kezlarda Nil daryosining suvi har yili toshib, ekin maydonlarini yuvib turgan. Shuning uchun, ekinzorlarni qayta taqsimlash va soliq miqdorini aniqlash uchun bu maydonlarda belgilash va o‘lchash ishlarini bajarishga tobg‘ri kelgan (1-rasm). Qadimgi yunon olimlari yer o‘lchash usullarini misrliklardan o‘rganib, uni geometriya deb ataganlar. “Geometriya” yunoncha so‘z bo‘lib, “geo” — yer, “metrio” — O‘lchash degan ma’noni anglatuvchi qismlardan tuzilgan.

Geografiya, O‘rta Osiyo tabiiy geografiyasi, 7 sinf, G‘ulomov P., 2017.

Учебник по географии для 7 класса на узбекском языке.

   Aziz o‘quvchilar! Siz 6- sinfda «Materiklar va okeanlar tabiiy geografiyasi» bilan tanishganingizda Yer yuzining rang-barangligini, har bir materik, okean tabiati betakror ekanini, har bir qit’aning o‘rganilish tarixini bilib oldingiz, geografik komplekslarni o‘rgandingiz. Tabiat bilan inson o‘rtasidagi o‘zaro aloqa va ta’sirlar, insonning tabiatdan foydalanish masalalari, tabiatni muhofaza qilish muammolari bilan tanishdingiz.
7- sinfda Siz mamlakatimiz —O‘zbekiston Respublikasi joylashgan tabiiy geografik o‘lka—O‘rta Osiyo tabiiy geografiyasi bilan Vatanimiz tabiiy geografiyasini o‘rganasiz. O‘rta Osiyoning geografik o‘rni, o‘ziga xos xususiyatlari, geologik tuzilishi, relyefi, foydali qazilmalari, iqlimi, suvlari, tuproqlari, o‘simliklari, hayvonot dunyosi, tabiatdan, uning boyliklaridan oqilona foydalanish masalalari bilan tanishasiz. Shu bilan birga, geografiyani o‘rganishda xaritalardan foydalanishni, xaritalarning qanday ishlanishini, turlarini, topografik xaritalar, ulardan qanday foydalanishni bilib olasiz. Yana vaqt hisobi, soat mintaqalari, iqlim hosil qiluvchi omillar, tuproqlar haqida umumiy tushunchalarga ega bo‘lasiz.

Bon voyage, 7 sinf, Umarova S., Buxin V., Ubaydullayev M., 2019.

Учебник по французскому языку для 7 класса на узбекском языке.

   Le nouveau manuel de français en 7ème «Bon voyage» est une des Méthodes de français langue étrangère que vous avez déjà étudié pendant six années d’apprentissage du français à l’école.
Ce niveau vous propose de nombreux exercices écrits et oraux pour apprendre à écouter, à parler, à lire et à écrire en français.
Sur chaque page du Livre vous allez trouver des situations de communication, des illustrations, des documents, des photos qui vont vous permettre de mieux comprendre la langue et la culture françaises et de les comparer avec celles de votre pays. La structure de «Bon voyage» représente 8 Unités thématiques, divisées en Leçons, en pages d’entraînement et en page d’évaluation.

Fizika, 7 sinf, Habibullayev P.Q., Boydedayev A., Bahromov A.D., 2017.

Учебник по физике для 7 класса на узбекском языке.

Фрагмент из книги:
Tevarak-atrofimizda velosiped, avtomobil va odamlar yurishini; osmonda qush, vertolyot, samolyot va raketalar uchishini 2-rasm); suvda baliq, akula va delfinlar suzishini; Yer Quyosh atrofida, Oy esa Yer atrofida aylanishini kuzatishimiz mumkin. Jismning harakati ma’lum qonun-qoidalarga bo‘ysunadi. Masalan, olimlar kuzatish natijalari asosida osmon jismlarining qaysi vaqtda fazoning qaysi joyida bo‘lishini aniqlay oladilar. Jumladan, ular Oy va Quyoshning qachon tutilishini oldindan aytib berishlari mumkin.

Algebra, 7 sinf, Alimov Sh.A., Xalmuxamedov A.R., Mirzaxmedov M.A., 2017.

Учебник по алгебре для 7 класса на узбекском языке.

   Ona yurtimiz mustaqil O‘zbekiston jahon ilm-u faniga, madaniyatiga yuzlab buyuk olimlarni, shoirlarni, davlat arboblarini, musavvirlarni yetishtirib bergan. Bilingki, siz ularning ezgu ishlari davomchisisiz!
Yoshlik bilim olish davridir.
Allomalar aytadi: „Yoshlikda olingan bilim toshga bitilgan yozuv kabi o‘chmasdir“. Algebrani, umuman, matematikani o‘rganish qunt va izchillikni, ko‘plab masala va misollarni tushunib, idrok qilib yechishni talab etadi. Meni yaxshi o‘rganib olsangiz, sizga umrbod do‘st bo‘lib qolaman!
Xulq-u odobingiz barkamol, ilmingiz ziyoda bo‘lishini istab.