учебник на узбекском языке

Chizmachilik, 8 sinf, Rahmonov I., 2014.

Учебник по черчению для 8 класса на узбекском языке.

  Chizmachilik fani o‘quvchilarning tasavvur hamda tafakkur qilish qobiliyatini o‘stiradi. Tasavvur esa shakliy va fazoviy bo‘lishi mumkin. O‘quvchilarning fazoviy tasavvurlarini oshirish maqsadida ularga chizmaga doir an’anaviy savollar va mashqlar berildi. Mashqlar o‘rtacha (A) va yaxshi (B) o‘zlashtiruvchi hamda iqtidorli (C) o‘quvchilarning bilimini hisobga olgan holda tuzilgan.

Fizika, Elektr, 8 sinf, Habibullayev P.Q., 2014.

Учебник по физике для 8 класса на узбекском языке.

  Kundalik turmushimizda elektr energiyadan muntazam foydalanamiz. Jumladan, uyimizdagi lampochka, televizor, radio, dazmol, elektr choynak, kompyuter kabilar elektr energiya bilan ishlaydi (1-rasm). Ko‘chadagi tramvay-trolleybuslar, yer ostidagi metro poyezdlari ham elektr energiya hisobiga yuradi. Turli korxona, muassasa kabi barcha joylarda ham muntazam elektr energiyadan foydalaniladi.
8-sinfda Siz elektr hodisalari, elektr va magnit maydon, elektr toki, elektromagnit hodisalarni o‘rganasiz, elektr energiyasini ishlab chiqarish va uzatish, oddiy elektr asbob va qurilmalarning ishlash prinsipi bilan tanishasiz.

Fly High English, Teacher’s Book, 8 sinf, Jurayev L., Khan S., 2014.

Учебник по английскому языку для 8 класса на узбекском языке.

   O‘qituvchilar uchun mo‘ljallangan mazkur metodik qo‘llanma umumiy o‘rta ta’lim maktablarining 8-sinflari uchun nashr etilgan „Fly High 8“ nomli ingliz tili darsligi asosida tayyorlangan. Undan darslikning bo‘limlari, mavzulari, darslarning kommunikativ maqsadlari, grammatikasi, lug‘ati haqidagi mundarija, har bir dars va mashqning maqsadlari, o‘qituvchilar uchun til va madaniyatga oid qo‘shimcha ma’lumotlar, mashqlarning javoblari, CD disk uchun yozuv materiallari, o‘quvchilarni rasmiy baholash uchun qo‘llasa bo‘ladigan uchta namunaviy testlar (javoblari bilan), o‘quvchilarning darslarni qanday o‘zlashtirganliklarini tekshirishga mo‘ljallangan testlar, darslikdagi mashqlarni to‘g‘ri tashkil etish bo‘yicha aniq ko‘rsatmalar, kuchli, shuningdek, o‘zlashtirishi sust bo‘lgan sinflar uchun takliflar o‘rin olgan.

Fizika, 9 sinf, Habibullayev P., 2014.

Учебник по физике для 9 класса на узбекском языке.

Фрагмент из книги:
Molekular fizika va termodinamika moddaning turli agregat holatlaridagi fizik xossalarini, diffuziya, issiqlik o‘tkazuvchanlik kabi hodisalarni, issiqlik ta’sirida modda holatining o‘zgarishini, moddalarning issiqlik sig‘imi, bug‘lanishi, kondensatsiyasi, erishi, qotishi, mustahkamligi, elastikligi kabi xossalarini o‘rganadi. Fizikaning «Mexanika» bo‘limini o‘rganishda jismlar zarralardan tuzilganligi e’tiborga olinmagan edi. Molekular fizika va termodinamikani o‘rganishda esa moddalar zarralardan tuzilganligiga asosiy e’tibor qaratiladi. Bunda statistik va termodinamik metodlardan foydalaniladi.

Kimyo, 9 sinf, Asqarov I.R., To‘xtaboyev N.X., G‘opirov K.G., 2014.

Учебник по химии для 9 класса на узбекском языке.

   Bu o‘quv yilida sen umumiy o‘rta maktabni tamomlaysan. Oldinda seni akademik litsey va kasbhunar kollejlari kutmoqda. Qiziqishingni hisobga olgin-da, dadil olg‘a qadam bos. Unutma, sen Ar-Roziy, Al-Farg‘oniy, At-Termiziy, Beruniy, Abu Ali ibn Sino, Amir Òemur, Ulug‘bek, Zahiriddin Muhammad Bobur kabi buyuk allomalar avlodisan. Ota-onang, ustozlaring, Vataning – O‘zbekiston seni haqiqiy inson, yetuk mutaxassis, ijodkor, olim bo‘lib yetishishingni, el-yurt oldida obro‘-e’tibor topishingni xohlaydi. Yodingda tut! Fan olamining hali ochilmagan qirralari ko‘p, ularni zabt etmoq sening zimmangda.
Senga oq yo‘l tilaymiz!

Ma’naviyat asoslari, 10-11 sinf, Qo‘chqorov V., Mahmudov O., Zamonov Z., 2018.

Учебник по основам духовности для 10-11 класса на узбекском языке.

   Dunyoda har bir narsaning o‘zagi, mohiyati bo‘ladi. Odamzod mohiyatini uning yaratuvchanligi, mustahkam irodasi, din-u diyonati, boshqalarga xolis yordamga kelishi, boshiga ofat-g‘am tushganida hamdardlik bildirishi, shodligiga sherik bo‘lishi, mehr-oqibati, bir so‘z bilan aytganda, go‘zal ma’naviy olami tashkil etadi.
Mazkur darslikda o‘quvchi-yoshlarning qalbida milliy tafakkur va sog‘lom dunyoqarash asoslarini singdirish, ularni ma’naviy tajovuzlarga qarshi sobit tura olishga qodir bo‘lgan matonatli, fidoyi, vatanparvar insonlar etib tarbiyalash maqsadida ma’naviyatning tub mohiyatiga kirib borishga harakat qilindi. Har bitta mavzuning boshida faollashtirish uchun savol va topshiriqlar berilgan. Aksariyat vaziyat va misollar Siz va tengdoshlaringiz hayotidan keltirilgan. Bular sizning quyi sinflarda olgan bilimlaringizni yodga olishda o‘ziga xos imtihon vazifasini o‘taydi.

Vatan tuyg‘usi, 6 sinf, Sultonov X., Qarshiboyev M., 2015.

Учебник по чувство родины для 6 класса на узбекском языке.

   Umumiy o‘rta ta’lim maktablarining 6-sinflari uchun mo‘ljallangan ushbu o‘quv qo‘llanmasi O‘zbekiston Respublikasi Prezidenti Islom Karimovning «Yuksak ma’naviyat – yengilmas kuch» hamda «O‘zbekiston mustaqillikka erishish ostonasida» kitoblari asosida qayta ishlangan. Unda Vatanga muhabbat va vatanparvarlik asoslarini shakllantiradigan mavzular o‘quvchilarning o‘ziga xos tushuncha-tasavvurlarini hisobga olgan holda, qiziqarli misollar, hayotiy dalillar hamda zamonaviy metodik usullar vositasida yoritib berilgan.

Adabiyot, 7 sinf, Yo‘ldoshev Q., Qosimov B., Qodirov V., Yo‘ldoshbekov J., 2017.

Учебник по литературе для 7 класса на узбекском языке.

Фрагмент из книги:
Ilohiy kitoblarda aytilishicha, so‘z dunyodagi barcha narsalarning asosidir. Rivoyat qiladilarki, Tangri o‘zining qudrati va jamoliga ko‘zgu bo‘ ladigan yaratiq barpo etishni istaydi-yu, kunlarning birida: «Yaral!» (arabchasi «Kun!») – degan so‘zni aytadi. Yaratgan amrining ifodasi bo‘lmish ana shu birgina so‘zning kuchi bilan o‘n sakkiz ming olam va undagi jamiki narsalar dunyoga keldi. Demak, so‘z olam va undagi narsalardan oldin paydo bo‘lgan ekan. So‘zning cheksiz qudratini shundan ham bilsa bo‘ladi. Har qanday inson hayotida juda katta ahamiyat kasb etadigan badiiy adabiyot ana shunday qudratga ega bo‘lgan so‘z bilan ish ko‘radigan san’at turidir. Shuning uchun ham badiiy adabiyot so‘z san’ati deb yuritiladi.