10 класс

Kimyo, 10 sinf, O‘qituvchilar uchun metodik qo‘llanma, Xasanova S., Azamatova D., Ismatov I., 2022.

Учебник по химии для 10 класса на узбекском языке.

Фрагмент из книги.
Ushbu mavzuni o‘qiyotganingizda ko‘zlaringiz yorug‘lik energiyasini asab impulslariga aylantiruvchi retinal deb ataladigan organik birikmadan foydalanmoqda. Siz qulay holatda o‘tirganingizda orqa mushaklar kerakli energiyani chiqarish uchun glyukozani kimyoviy parchalash orqali to‘g‘ri holatni saqlaydi. Siz tushunganingizdek, asab hujayralari orasidagi bo‘shliqlar ham organik moddalar – neyrotransmitterlar yoki vositachilar bilan to‘ldiriladi, bu esa barcha neyronlarning bir bo‘lishiga yordam beradi. Bu yaxshi muvofiqlashtirilgan tizim sizning ongingiz ishtirokisiz ishlaydi! Biologlar kabi organik kimyogarlar ham inson qanday ajoyib yaratilganini, organlarning ichki tizimlari va ularning hayotiy bog‘liqligi qanday mantiqiy tuzilganini tushunishadi. Bundan kelib chiqadiki, organik kimyoni o‘rganish hayotimizni tushunish uchun o‘ta muhimdir! Sifatli bilim olish esa kelajakka yo‘ldir. Yangi moddalar, yangiliklar tadqiqotlar natijasida kimyoviy laboratoriyalarda yaratiladi.

Jahon tarixi, 10 sinf, O‘qituvchilar uchun metodik qo‘llanma, Xodjayev B., Abdullayev J., Hakimov N., 2022.

Учебник по истории для 10 класса на узбекском языке.

   Milliy oʻquv dasturi asosida yaratilgan 10-sinf “Jahon tarixi” darsligi uchun tayyorlangan ushbu metodik qoʻllanmada umumiy oʻrta taʼlim maktablari o‘quvchilariga jahon tarixi fanidan qo‘yiladigan talablar, taqvim-mavzu reja, interfaol metodlar to‘plami hamda darslarni tashkil etish bo‘yicha metodik tavsiyalar berilgan. Fan o‘qituvchilari dars jarayonida mavzuga mos interfaol metodlarni qo‘llashda, darsni samarali tashkillashtirishda ushbu metodik qo‘llanmadan ijodiy yondashgan holda foydalanishlari mumkin.

Geometriya, 10 sinf, O‘qituvchilar uchun metodik qo‘llanma, Xaydarov B., Tashtemirova N., Asrorov I., 2022.

Учебник по геометрии для 10 класса на узбекском языке.

   Matematika fani bo‘yicha Milliy o‘quv dasturida belgilangan yangi davlat ta’lim standartlari va o‘quv dasturi geometriya ta’limini sifat va mazmun jihatidan yangi darajaga ko‘tarish vazifasini qo‘yadi. Bu – o‘z navbatida yangi O‘zbekiston kelajagini yaratuvchi barkamol avlodni, yangi zamon, yangi jamiyat kishisini tarbiyalashdek o‘ta mashaqqatli va ayni zamonda sharafli ish shu kunning eng muhim vazifalaridan biri bo‘lib qoldi. Uni amalga oshirish sizdek fidoyi o‘qituvchilar zimmasiga yuklanadi.
Shu vazifalarni amalga oshirish maqsadida 10-sinf “Geometriya” darsligi va o‘qituvchilar uchun mo‘ljallangan uslubiy qo‘llanma yaratildi. Darslikda keltirilgan mavzular sodda, tushunarli tilda, hayotiy masalalar yordamida qisqacha yoritilgan va rasmlar bilan bezatilgan. Mashg‘ulotlar har bir mavzu bo‘yicha turli xil kichik savollar, testlar, amaliy mashqlar, topshiriqlardan tashkil topgan bo‘lib, ular bir-biri bilan uzviy bogliq va o‘quvchidan ijodiy yondashuvni talab qiladi. Darslik asosida qay yo‘sinda dars olib borish yo‘l-yo‘riqlari uslubiy qo‘llanmada keltirilgan.

Biologiya, 10 sinf, O‘qituvchilar uchun metodik qo‘llanma, Raxmatov U.E., Saparov K.A., 2022.

Учебник по биологии для 10 класса на узбекском языке.

   Biologiya o‘quv predmetining asosiy maqsadi: tirik organizmlarning tuzilishi, hayotiy jarayonlari, rivojlanishi, kelib chiqishi, xilmaxilligi, tashqi muhit bilan munosabatlari, moslanishlari haqidagi fan sifatida o‘quvchilarda biologik obyekt, hodisa va jarayonlarni, jonli va jonsiz tabiat o‘rtasidagi o‘zaro bog‘liqlikni yaxlit holda idrok etish, umumbiologik tushunchalar, qonuniyatlarni anglash, asoslash, tahlil qilish, umumlashtirish, yashash muhiti bilan bog‘liq muammolarni hal etish ko‘nikmalarini hamda organik olam va biologik tizimlar qonuniyatlari asosida tabiiy-ilmiy dunyoqarashni shakllantirish, o‘zlashtirilgan bilim, ko‘nikma va malakalarini yangi kutilmagan vaziyatlarda qo‘llash, mustaqil va ijodiy fikr yuritish ko‘nikmalarini tarkib toptirish, atrofimizni o‘rab turgan jonli tabiatga nisbatan ijobiy munosabat, biologik xilma xillikni asrashga javobgarlik hissi va barqaror hayotiy faoliyatni tarbiyalashdan iborat.

O‘zbekiston tarixi, 10 sinf, Tilabayev S., Kenjayev D., 2022.

Учебник по истории для 10 класса на узбекском языке.

   Qo‘lingizdagi O‘zbekiston tarixi darsligi XIX asrning ikkinchi yarmi va XX asrning 90-yillariga qadar sodir bo‘lgan voqealarni o‘z ichiga oladi. Bu davr Vatanimiz tarixining eng murakkab va ziddiyatli yillaridir. Mazkur darslik Vatanimiz tarixida yo‘qotishlar va talafotlarga to‘la bo‘lgan, shuningdek, ota-bobolarimizning yurt ozodligi va mustaqilligi uchun olib borgan qahramonona kurashlari hamda o‘zbek xalqining bunyodkorlik faoliyati va fidokorona mehnatlarini o‘z ichiga olgan davrlar haqida hikoya qiladi.

O‘zbek tili, 10 sinf, Asilova G.A., Xidoyatova D., 2022.

Учебник по узбекскому языку для 10 класса на узбекском языке.

Фрагмент из книги.
Uyg‘onish davri (Renessans) – dastlab Italiyadagi madaniy-ma’rifiy yuksalishga nisbatan qo‘llangan, uni o‘rta asrdan yangi davrga o‘tish bosqichi deb baholashgan. Renessansning asosiy alomatlari: tafakkurda va ilmda jaholatni yorib o‘tib, insonning iste’dodi va hurfikrliligini yuzaga chiqarish, inson erki uchun kurashish bo‘lgan.

Biologiya, 10 sinf, Saparov K.A., Azimov I., 2022.

Учебник по биологии для 10 класса на узбекском языке.

   Siz 7–9-sinflarda o‘qish mobaynida biologiya darslarida tabiat haqidagi ko‘plab tushuncha va atama, qonuniyatlar bilan tanishdingiz. Bu o‘quv yilida siz biologiyani o‘rganishni davom ettirasiz. Biologiya tirik organizmlarning tuzilishi, o‘ziga xos xususiyatlari, ko‘payishi, rivojlanishi, kelib chiqishi, tabiiy jamoalar va yashash muhiti bilan o‘zaro munosabatlarini o‘rganadi. Biologik bilimlar sizga olamning ilmiy manzarasini keng anglagan holda kelgusida shaxs sifatida shakllanishingiz, kasb tanlashingiz, ilmiy dunyoqarashingizni kengaytirish hamda ekologik tafakkurga ega bo‘lishingizga zamin tayyorlaydi. Mazkur darslik yordamida siz biologiya darslarida va mustaqil ravishda hayotning quyi tuzilish darajasidan yuqori tuzilish darajasiga qadar tabiatga yaxlit sistema sifatida qarashni, biologik tushuncha, nazariya va qonuniyatlarni umumlashtirish, ular o‘rtasidagi sabab-oqibat zanjirini o‘rnatgan holda bir tizimga keltirishni o‘rganasiz.

Geografiya, 10 sinf, O‘qituvchilar uchun metodik qo‘llanma, Ismatov J.A., Hojiyeva M.M., 2022.

Учебник по географии для 10 класса на узбекском языке.

   Mazkur qo‘llanma 10-sinf "Geografiya" darsligini o‘qitish bo‘yicha metodik tavsiyalardan iborat bo‘lib, o‘quvchilarning darsga qiziqishlari va faolligini oshirish, zamonaviy ta’lim texnologiyalari va metodlarini qo‘llash orqali darslarni sifatli tashkil etish hamda ta’lim mazmunini boyitishda o‘qituvchilar uchun metodik yordam sifatida yaratilgan.
Qo‘llanmada har bir darsning maqsadi, ta’lim vositalari, darsdan kutiladigan natija, darsda o‘quvchilar qanday kompetensiyalarga ega bo‘lishi kerakli, mavzuni qaysi fanlar bilan integratsiyalashgan holda o‘qitish bayon etilgan. Shuningdek, dars jarayonida o‘qituvchilar va o‘quvchilar uchun yuzaga kelishi mumkin bo‘lgan ehtimoliy muammoning yechimi uchun tavsiyalar berilgan.