учебник на туркменском языке

Tehnologiýa, 2 synp, Sanakulow H.R., Abdiýewa D.H., 2021.

Учебник по технологии для 2 класса на туркменском языке.

   Siz 1-nji synp ‘‘Tehnologiýa’’ dersinde el zähmeti bilen ýerine ýetirilýän iş nusgalaryny, zähmet enjamlaryndan dogry peýdalanmak we howpsuzlyk kadalaryna amal etmegi öwrendiňiz.
Indi siz 2-nji synpda kagyz, karton, dürli tebigy materiallardan ýerine ýetirilmesi çylşyrymly, köp basgançakly bolan dürli şekilleri ýasamagy-gurmagy, bezegli oýnawaçlary, maketleri we modelleri ýasamagy öwrenersiňiz.
Eziz okuwçylar, derslikden önümli peýdalanmaga, amaly işlere döredijilikli çemeleşmäge, ýumuşlary we özbaşdak işleri dogry ýerine ýetirmäge çalyşyň.

Математiка, 11 synp, 1 bölüm, Mirzaahmedow M.A., Ismailow Ş.N., Amanow A.K., 2018.

Учебник по математике для 11 класса на туркменском языке.
 
Фрагмент из книги:
Iki üýtgeýän mukdaryň bir-birine baglanyşygy çyzykly funksiýa gömüşinde bolsa, bu mukdarlaryň artdyrmalarynyň gatnaşygy hemişelik san bolýar.
Iki üýtgeýän mukdaryň bir-birine baglanyşygy çyzykly funksiýa gömüşinde bolmasa, biz bu üýtgeýän mukdarlaryň berlen aralykdaky ortaça-gatnaşygyny tapyp bileris. Eger aralyk dürltiçe alynsa, hasaplanan ortaça-gatnaşyklar hem dürlüçe bolýar.

Umumy Himiýa, 11 synp, Maşaripow S., 2018.

Учебник по химии для 11 класса на туркменском языке.
 
   Bu derslik Döwlet tälim standartlarynda 11-nji synpda himiýa ylmyny okatmakda öwrenilmegi nazarda tutulan temalary öz içine alýan sekiz bapdan ybarat bolup, umumy himiýanyň zerur bolan ähli esasy temalaryny öz içine alýar. Her bir tema meseleler we gönükmeler bilen berkidip barylan we şunuň bilen birlikde kynçylyk döredýän meseleleriň çözüw usuly düşündirmek esasynda görkezip berlen. Derslikde orun alan ähli temalary beýan etmekde okuwçylaryň ýaş aýratynlyklary hasaba alnan, nazary bilimler daş-töwerekdäki wakalar we hadysalar bilen üznüksiz ýagdaýda beýan edildi.

Informatika we informasion tehnologiýalar, 11 synp, Taýlakowyň N.I., 2018.

Учебник по информатике для 11 класса на туркменском языке.
 
   Şu derslik Özbegistan Respublikasynyň Ministrler Kabinetiniň 2017-nji ýylyň 6-njy aprelindäki “Umumy orta we ýörite orta, kesp-hünär täliminiň döwlet tälim standartlaryny tassyklamak barada”ky 187-nji belgili karary bilen tassyklanan umumy orta tälimiň döwlet tälim standarty hem-de umumy orta tälimiň “Informatika we informasion tehnologiýalar” predmeti boýunça türgenlik talaplary esasynda döredilen.
Bir söz bilen aýdanda, derslikdäki bilimleri özleşdirip, siz üznüksiz ýagdaýda informatika we informasion tehnologiýalar ugrunda öz-özüňizi intelektual ösdürmek, kämillige ymtylma, kognitiwlik endikleriňizi özbaşdak ýagdaýda yzygiderlikde barha artdyrarsyňyz we öz hereketiňize baha bermek mümkinçiligine eýe bolarsyňyz diýip umyt edýäris.

Informatika we informasion tehnologiýalar, 10 synp, Taýlakowyň N.I., 2017.

Учебник по информатике для 10 класса на туркменском языке.
 
   Derslikde Siziň aşaky synplarda öwrenen Microsoft Offiee Excel elektron tablisada işlemegi dowam etdirip, MS Excel 2010-da amallary we formulalary, funksiýalar kitaphanasy bilen işlemekligi hem-de logiki we matematiki funksiýalardan peýdalanyp, amallary ýerine ýetirmegi öwrenersiňiz. Dersligiň ikinji babynda MS Aeeess 2010 maglumatlar bazasy hakynda düşünje berilip, onuň dolandyryş sistemasy, şol sanda, maglumatlar bazasyny düzmek, maglumatlar bazasynda tablisalary özara baglanyşdyrmak, belli bir şablon boýunça maglumatlary gözlemek we olary gaýta işlemek usullary bilen tanyşarsyňyz. Dersligiň üçünji babynda Delphi programmirleme sredasynda programmalary döretmegiň esaslary bilen tanyşarsyňyz. Hususan, programma aýnasyny emele getirmek, oňa bar bolan dolandyryş obýektlerini ýerleşdirmek we interaktiw programmalary döretmekligi özleşdirersiňiz. Bir söz bilen aýdanda, derslikdäki bilimleri özleşdirip, siz yzygiderli gömüşde özüňizi ruhy we intellektual taýdan ösdürýärsiňiz, kämillige ymtylmaklyk, kognitiwlik ukyplaryňyzy özbaşdaklykda hemişe artdyryp barýarsyňyz we özüňiziň hereketiňizi bahalamak mümkinçiligine eýe bolýarsyňyz, diýen umytda galýarys.

Математiка, 10 synp, 2 bölüm, Mirzaahmedow M.A., Ismailow Ş.N., Amanow A.K., 2017.

Учебник по математике для 10 класса на туркменском языке.
 
Фрагмент из книги:
 Bakteriýa mälim wagtdan (bimäçe sagat, ýa-da, minutlardan) soň ikä bölünýär we bakteriýalaryň sany iki esse artýar. Nobatdaky wagtdan soň bu iki bakteriýa hem ikä bölünýär we populýasiýa mukdary (bakteriýalaryň umumy sany) ýene iki esse artýar; indi, bakteriýalaryň sany dört boldy. Bu köpeliş hadysasy amatly şertlerde (populýasiýa üçin zerur resurslar: ýer, iýmit, suw, energiýa we başgalar bar bolanda-da) dowam ediberýär.

Математiка, 10 synp, 1 bölüm, Mirzaahmedow M.A., Ismailow Ş.N., Amanow A.K., 2017.

Учебник по математике для 10 класса на туркменском языке.
 
Фрагмент из книги:
Toplum matematikanyň başlangyç düşünjelerinden bolup, ony özünden ýönekeýrak düşünjeler arkaly häsiýetlendirip bolmaýar. Durmuşda mälim obýektler toplumyny bir bitewi zat diýip garamaly bolýar. Aýdaly, biolog haýsyda bolsa ülkedäki ösümlikler we haýwanat dünýäsini öwrenmek bilen, ol jandarlary görnüşler boýunça, görnüşleri bolsa uruglar boýunça klaslara bölýärler. Her bir görnüş bir bitewilik diýlip garalýan jandarlar toplumydyr.
Toplum islendik tebigatly obýektlerden düzülen bolmagy mümkin. Meselem, Aziýa kontinentindäki ähli derýalar ýa-da sözlükdäki ähli sözler toplum bolup biler.

Algebra, 9 synp, Alimow Ş.A., Halmuhamedow A.R., Mirzahmedow M.A., 2019.

Учебник по алгебре для 9 класса на туркменском языке.
 
Фрагмент из книги:
Öňki paragrafda san göni çyzygynyň nokatlary bilen töweregiň nokatlary-nyň arasynda laýyklyk ornaşdyrmagyň görkezmeli usulyndan peýdalanyldy. Indi nädip hakyky sanlar bilen töweregiň nokatlarynyň arasynda töweregiň nokadyny öwürmek arkaly laýyklyk ornatmak mümkinligini görkezýäris.
Koordinata tekizliginde radiusy 1-e deň we merkezi koordinata başlangyjynda bolan töwerege garaýarys. Oňa birlik töwerek diýilýär. Birlik töweregiň nokadyny koordinata başlangyjynyň daşynda a radian burça öwürmek düşünjesini girizýäris (bu ýerde a- islendik hakyky san).