учебник на туркменском языке

Biologiýa, 10 synp, Saparow K., Azimow I., Umaraliýewa M., 2022.

Книги по биологии для 10 класса на туркменском языке.

   Siz 7-9-synplarda okuw dowamynda “Biologiýa” sapaklarynda tebigat baradaky köpsanly düşünje we adalgalar, kanunyýetler bilen tanyşdyňyz. Bu okuw ýylynda siz biologiýany okamagy dowam edersiňiz. Biologiýa janly organizmleriň gurluşy, özüne mahsus hususyýetleri, köpelmegi, rowaçlanmagy, gelip çykyşy, tebigy toparlar we ýaşaýyş gurşawy bilen özara gatnaşyklaryny öwrenýär. Biologik bilimler size älemiň ylmy dünýäsini giňden düşünen ýagdaýda, geljekde şahs sypatynda şekillenmegiňiz, hünär saýlamagyňyz, ylmy dünýägaraýşyňyzy giňeltmegiňiz hem-de ekologik düşünjelere eýe bolmagyňyza esas döredýär. Bu okuw kitabynyň kömeginde siz biologiýa sapaklarynda we özbaşdak ýaşaýşyň aşaky gurluş derejesinden ýokary gurluş derejesine çenli tebigata bitewi sistema sypatynda garamagy, biologik düşünje, nazaryýet we kanunyýetlerini umumylaşdyrmagy, olaryň arasyndaky sebäp-netije zynjyryny ornatmak arkaly bir sistema getirmegi öwrenersiňiz.

Şekillendiriş sungaty, 7 synp, Sulaýmanow A., Muhamedjanowa S., 2022.

Книги по изобразительному искусству для 7 класса на туркменском языке.

   Hormatly okuwçy! Size hödürlenýän bu täze nesil dersliginde şekillendiriş sungatynyň görnüşleri, žanrlary, akym we ugurlary, dörediji suratçylar, dizaýn, kompozision işjeňlik, kitapçylyk sungaty hakyndaky maglumatlar bilen tanyşýarsyňyz. Şekillendiriş sungaty sapaklarynda alan bilimleriňiz, özleşdiren amaly kompetensiýalaryňyz hünär saýlamagyňyzda size ýakyndan kömek berýär. Munuň üçin derslikdäki temalary höwes bilen berkitmegiňiz, amaly ýumuşlary ýerine ýetirip, öz başarnygyňyzy aşyryp barmagyňyz zerur bolar. Umyd edýäris, bu derslik döredijilikli işjeklik bilen bagly bolan suratçylyk, heýkeltaraşlyk, dizaýnerlik, binagärçilik ýaly hünärler hakynda göz önüne getirmegi peýda etmegiňiz üçin möhüm çeşme wezipesini ödeýär.

Biologiýa, 7 synp, Saparow K., Azimow I., Umaraliýewa M., 2022.

Книги по биологии для 7 класса на туркменском языке.

   Siz 1-6-njy synplarda okuw dowamynda «Tebigy predmetler» derslerinde tebigat hakyndaky ençeme düşünje we adalgalar, kanunyýetler bilen tanyşdyňyz. Bu ýyl siz täze predmet – biologiýany öwrenmegi başlaýarsyňyz. «Tebigy predmetler»derslerinde özleşdiren bilimleriňizi indi siz üçin täze predmet – biologiýa arkaly ösdürip bararsyňyz. Eliňizde tutup duran derslik bolsa munda size kömek berýär. Biologiýa janly organizimleriň gurluşy we ýaşaýyş işjeňligi, köpdürliligi, taryhy we indiwidual ösüş kanunyýetlerini, şeýle hem ynsanyň janly tebigata täsirini öwrenýär.
Bu derslik kömeginde siz biologiýa derslerinde we özbaşdak ýagdaýda bakteriýalar, protoktistalar, kömelekler we ösümlikler, haýwanlaryň gurluşy we ýaşaýyş işjeňligi, olaryň köpeliş we ösüş aýratynlyklary, janly organizm görnüşleriniň köpdürliligi, olaryň tebigat we ynsan durmuşyndaky ähmiýeti hakynda bilimlere eýe bolarsyňyz.

Fizika, 7 synp, Suýarow K., Usarow J., Sangirowa Z., 2022.

Учебник по физике для 7 класса на туркменском языке.

   Fizika – tebigat baradaky ylym. Bu sözi ylma grek akyldary Aristotel girizipdir.
Fizika ylmy daş-töweregimizde bolýan hadysalary we prosesleri düşündirýär. Meselem, suwuň bugarmagy, ýagyn ýagmagy, buzuň eremegi, ýyldyrym çakmagy, çyranyň ýanmagy we başgalar.
Fizika ylmy ençeme ugurlaryň ösmegindem möhüm ähmiýete eýe, şol sanda, elektronika, robototehnika, gaýtadan dikeldilýän energiýa çeşmeleri, täze görnüşdäki materiallary öndürmek, lukmançylyk gurluşlaryny döretmek.

Şekillendiriş sungaty, 6 synp, Muratow H., Mirhakimowa D., Abdullaýew K., 2022.

Учебник по изобразительному искусству для 6 класса на туркменском языке.

   Gadrly okuwçylar! «Şekillendiriş sungaty» 6-njy synp dersligi bilen siz şekillendiriş sungatynyň ýene-de gyzykly we döwrebap ukup başarnyklaryňyzy özüňiz üçin döredýärsiňiz. Döwrebap şekillendiriş sungatynyň reňkli jadyly dünýäsi size özüniň syrlaryny açýar.
Dersligiň kömeginde surat işlemegiň fluid art, pop art, 3D, «Doodling» we «Zentangle» ýaly täze usullary, kinetik heýkel ýasamak tehnikasy, kompýuter grafikasynda şekil işlemek temalary boýunça bilime, başarnyga we tejribelere eýe bolarsyňyz.
Bu derslik çeper estetik islegiňizi şekillendirýär, döredijilikli pikirlenmegiňizi kämilleşdirýär, sizi döwrebap (innowasion) ideýalaryňyzy döretmägi öwredýär hem-de kesbi-kär eýelemäge gönükdirýär.
«Şekillendiriş sungaty» dersligini berk berkitmegiňizi we özbaşdak döredijilik ýolunda üstünlikleri dileg edýäris!

Tebigat ylymlary, 6 synp, Suýarow K.T., Sangirowa Z.B., Umaraliýewa M.T., 2022.

Учебник по естествознанию для 6 класса на туркменском языке.

   Eziz okuwçy! Bu okuw ýylynda siz tebigy ylymlary öwrenmegi dowam edýärsiňiz. Sizi haýran galdyryjy bilim dünýäsinden gyzykly syýahata çagyrýarys. Tebigaty öwrenmek, durmuşda zerur endikleri ösdürmäge kömek edip biler. 1-5-nji synplarda okaýan wagtyňyz tebigatyň köp düşünjeleri, terminleri we kanunlary bilen tanyşdyňyz. Öňki synplarda alan bilimleriňiz, ukyp we başarnyklaryňyz täze bilimleriň esasyny düzýär.

Fizika, 10 synp, Tursunmetow K.A., Usmanow Ş.N., Rahmatow J.A., 2022.

Учебник по физике для 10 класса на туркменском языке.

   Şu derslik tebigatdaky proseslere we hadysalara gözegçilik etmek, derňemek, fiziki hadysalary öwrenmekde gurallardan dogry peýdalanyp bilmek, fiziki düşünjeleri we ululyklary matematiki formulalar bilen aňladyp bilmek, ylmyň ugrunda gazanylýan üstünlikler, olaryň amalyýetdäki peýdalanylmagy arkaly okuwçylarda ylmy dünýägaraýşy ösdürmegi, gelejekde okuwçylary ylmyň we tehnologiýanyň üstünliklerinden dogry peýdalanmaga ugrukdyrmagy maksat edinýär. Derslikde «Dinamika. Statikanyň elementleri», «Mehaniki yrgyldylar we tolkunlar», «Gidrodi-namika», «Elektrostatik meýdan», «Hemişelik toguň kanunlary», «Dürli gurşawlarda elektrik togy», «Magnit meýdany» bölümleri öwrenilýär.

Türkmen dili, 10 synp, Nazarowa G., Arazowa G., Arazkliçewa H., 2022.

Учебник по туркменскому языку для 10 класса на туркменском языке.

Фрагмент из книги:
Söýgi näme-dünýä döräli bäri bar ýaly bolup görünýän we henizem birkemsiz jogap berilmedik sorag. Ynsanyň ruhy medeniýetinde yşk hem-de söýgi belli bir many halatlarynda bir-biri bilen doly gabat gelýän bolsa-da, olar umuman, tapawutlandyrylmaly düşünjelerdir.