учебник на каракалпакском языке

Fizika, 10 klas, Turdiev N.Sh., Tursunmetov K.A., Ganiev A.G., Suyarov K.T., 2017.

Учебник по физике для 10 класса на каракалпакском языке.
 
Фрагмент из книги:
Fizikada tábiyattaǵı process hám qubılıslardı úyreniwde ózine tán izertlew metodları bar.
Fizika eksperimental pán esaplanadı. Sonlıqtan tájiriybe ótkeriw processi ayrıqsha sharayattı talap etedi. Bunda úyrenilip atırǵan processke sırtqı tásir kórsetilmewine háreket etiledi.
Bunnan tısqarı, processlerge tiyisli fizikalıq parametrler arasındaǵı baylanıs matematikalıq ańlatpalar arqalı beriledi. Usı arqalı fizikler processlerdiń bunnan keyingi barısın yamasa aldın qanday bolǵanlıǵın júdá anıq aytıp beriwge muwapıq boldı.

Biologiya, 10 klas, Ǵafurov A., Abdukarimov A., Talipova J., 2017.

Учебник по биологии для 10 класса на каракалпакском языке.
 
   Bul sabaqlıq Ózbekistan Respublikası Ministrler Kabinetiniń 2017-jılı 6-apreldegi «Ulıwma orta hám orta arnawlı, kásip-óner bilimlendiriwiniń mámleketlik bilimlendiriw standartların tastıyıqlaw haqqında»ǵı 187-anlı qararına muwapıq, biologiya páninen kompetenciyalıq qatnasqa baǵdarlanǵan mámleketlik bilimlendiriw standartı tiykarında tayarlandı.
Áziz oqıwshı! 5-9-klaslarda biologiyanıń bólimleri esaplanǵan botanika, zoologiya, adam hám onıń salamatlıǵı, citologiya hám genetika tiykarların úyreniwge tirishilik formalarınıń hár túrliligi, olardıń qásiyetleri, tiykarǵı biologiyalıq túsinikler, teoriya hám nızamlıqlar menen tanısamız. 10-klasta aldın ózlestirgen bilimlerińizdi ámeliy qollanıp, tirishiliktiń tómen dárejeli dúzilisinen joqarı dárejeli dúzilisine shekem tábiyatqa bir pútin sistema sıpatında qarawdı, biologiyalıq túsinikler, teoriyalar hám nızamlıqlardı ulıwmalastırǵan halda bir sistemaǵa keltiriwdi úyrenesiz.
Temanıń mazmunın dıqqat penen oqıp shıǵıp, onda paydalanatuǵın shártli belgiler tiykarında berilgen tapsırmalardı kemshiliksiz orınlawıńız keleshekte shaxs sıpatında qáliplesiw, ilimiy dúnya qarastı keńeytiriw hám ekologiyalıq tafakkurga iye bolıwıńızǵa zamin tayarlaydı.

Matematika, 10 klas, Mirzaahmedov M.A., Ismailov Sh.N., Amanov A.Q., Haydarov B.Q., 2017.

Учебник по математике для 10 класса на каракалпакском языке.
 
Фрагмент из книги:
Bakteriya belgili waqıttan (bir neshe saat yamasa minutlardan) soń ekige bólinedi hám bakteriyalar sanı eki ese artadı. Náwbettegi waqıttan soń usı eki bakteriya da ekige bólinedi hám populyaciya muǵdarı bakteriyalardıń ulıwma sanı) jáne eki ese artadı; endi, bakteriyalar sanı tórt dana boldı. Bul kóbeyiw procesi qolay shárayatlarda (populyaсiya ushın zárúrli resurslar: orın, jemtik, suw, energiya hám taǵı basqalar bar bolǵanda) dawam ete beredi.

Ózbekstan tariyxı, 9 klas, Tillaboyev S., Zamonov A., 2019.

Учебник по истории для 9 класса на каракалпакском языке.
 
   Watan — bul biz tuwılıp ósken jer, kindik qanımız tamǵan topıraq, babalarımız izleri qalǵan, ata-babalarımız miyrası áwladlarımızǵa qalatuǵın jurt bolıp tabıladı.
Dúnyada Watanǵa muhabbattan qúdiretlirek qanday da bir tuyǵı hám onıń saǵınıshınan kúshlirek sezim joq. Watan milletti jetilistiriwshi milliy maqtanıshımızday názik sıyqırlı bir tuyǵını oyatadı.

Geografiya, 9 klas, Qayumov A., Safarov I., Tillaboyeva M., Fedorko V., 2019.

Учебник по географии для 9 класса на каракалпакском языке.
 
   Siz tómengi klaslarda «Tábiyiy geografiya baslanǵısh kursı», «Materik hám okeanlardıń tábiyiy geografiyası», «Orta Aziya hám Ózbekstannıń tábiyiy geografiyası» hám «Ózbekstannıń ekonomikalıq hám sociallıq geografiyası» kurslarında geografiya pánine tiyisli hár túrli maǵlıwmatlar menen tanıstıńız. 9-klasta oqıtılatuǵın «Jáhánniń ekonomikalıq-sociallıq geografiyası» kursı dúnya ekonomikası, siyasatı, ekologiyası, mádeniyatına, qullası, turmıstıń hámme tarawlarına baylanıslı.
Sabaqlıqtıń tiykarǵı maqseti — Siz, áziz oqıwshılarǵa dúnya hám onıń iri mámleketleriniń ekonomikalıq hám sociallıq geografiyasına tiyisli zamanagóy bilim beriw, erkin bilim alıwǵa hám onı ámeliyatta qollanıwǵa úyretiwden ibarat.

Ekonomikalıq bilim tiykarları, 9 klas, Sariqov E.S., Xaydarov B.Q., 2019.

Учебник по экономике для 9 класса на каракалпакском языке.
 
Фрагмент из книги:
Isbilermenlik bazar ekonomikasına tán bolǵan xızmet. Bazar ekonomikası shárayatında isbilermenlik — tábiyiy, kapital hám miynet faktorları menen bir qatarda óndiristiń tiykarǵı faktorına aylanadı. Sebebi, islep shıǵarıwdıń dál usı isbilermenlik faktorı, qalǵan úsh faktordı birlestiriw imkaniyatın beredi. Isbilermenlik jámiyet ushın kerek, sebebi bul xızmet nátiyjesinde jańa, qosımsha jumıs orınları payda boladı. Isbilermenlik tek tutınıwshılar ushın ǵana emes, bálki mámleket ushın da zárúr hám paydalı bolǵan xızmet boladı. Mámleket isbilermenlikke keń jol ashıp beriwi menen xalıqtı jumısqa jaylastırıw, keń tutınıw tovarları hám xızmetleri menen támiyinlew wazıypasın, belgili bir maǵanada óz juwapkershiliginen alıp taslaydı. Sonıń menen birge, isbilermenlik xızmetinen alınatuǵın salıqlar esabınan mámleket qaznası bayıydı. Sol sebepli, mámleket isbilermenlikti hár tárepleme qollap-quwatlaydı.

Muzika, 6 klas, Begmatov S., Kurbanov K., 2017.

Учебник по музыке для 6 класса на каракалпакском языке.
 
   Áziz oqiwshilar! Qoliňizdagi 6-klass «Muzika» sabaqligi sizlerdi muzika dóretiwshiliginiň klassikaliq úlgileri menen jaqinnan tanistiradi. Klassikahq muzika hár tárepleme jetik shigarmalardi óz ishine aladi.
Sabaqliqtan xahq folklori hám awizeki professional muzikasi, Shigis xaliqlari muzikasi, zamanagóy estrada muzi-kasi, sondayaq kompozitorliq dóretiwshiligi haqqinda túsinik alasiz.

Su’wretlew wo’neri, 5 klas, Kuziyev T., Abdirasilov S., Nurtoyev U., Sulaymonov A., 2015.

Учебник по изобразительному искусству для 5 класса на каракалпакском языке.
 
Фрагмент из книги:
Su’wretlew wo’nerinin’ su’wretlew qurallari’ ha’m su’wretlew tilin tu’sindiriw ha’m wonnan su’wretlew-ko’rsetiw jumi’si’nda wori’nli’ paydalani’w za’ru’r a’hmiyetke iye.
Su’wretlew wo’nerinin’ su’wretlew tili si’pati’nda kompoziciya, si’zi’q, daq, ren’, ko’lem tu’r, ken’islik, faktúra tu’sinikleri, belgili u’lken xudojnikler shi’g’armalari’ni’n’ talqi’lawľ iyeleydi ha’m wolar ren’li su’wret, grafika mu’sinshilik, ko’rkem wo’ner tani’w tiykarlarľ bo’limleri arqalľ a’melge asi’ri’ladľ.