Кошалеў

Сусветная гісторыя Навейшага часу, 1918 - пачатак ХХІ ст., Вучэбны дапаможнік для 9 класа, Кошалеў У.С., Краснова М.А., Кошалева Н.У., 2019.

Паважаныя дзевяцікласнікі! У гэтым годзе вы пачняце вывучэнне гісторыі Навейшага часу. Яна ахоплівае перыяд з моманту заканчэння Першай сусветнай вайны ў 1918 г. да цяперашняга часу. Гэтая эпоха насычана падзеямі, якія карэнным чынам змянілі аблічча свету і шмат у чым вызначылі сучаснае сусветнае развіццё. Вучэбны дапаможнік складаецца з дзвюх частак, якія адпавядаюць двум асноўным перыядам навейшай гісторыі. Кожная частка пачынаецца з параграфа, у якім даецца агульнае ўяўленне аб асноўных напрамках развіцця свету ў міжваенны перыяд і пасля Другой сусветнай вайны.

Сусветная гісторыя Новага часу, XVI—XVIII стст., Вучэбны дапаможнік для 7 класа, Кошалеў У.С., 2017.

Паважаныя сямікласнікі! Вы паспелі пазнаёміцца з гісторыяй першабытнага грамадства, Старажытнага свету і Сярэдніх вякоў. Гэтыя тры эпохі сусветнай гісторыі ахопліваюць прамежак часу ад найстаражытнейшых часоў да канца XV ст. Цяпер вы будзеце вывучаць гісторыю наступнай эпохі — Новага часу.

Сусветная гісторыя Навейшага часу, 1945 год-пачатак ХХІ стагоддзе, 11 клас, Космач Г.А., Кошалеў У.С., Краснова М.А., 2012.

   У гэтым годзе вы прадоўжыце вывучэнне гісторыі Навейшага часу. Вам давядзецца разгледзець этап развіцця свету, які пачаўся пасля Другой сусветнай вайны.
Вучэбны дапаможнік складаецца з уводзін і чатырох раздзелаў. Ва «Уводзінах» даецца агульная характарыстыка развіцця пасляваеннага свету, якая дазваляе ўбачыць агульныя праблемы і тэндэнцыі, што вызначаюць сучасны этап яго гісторыі. У першых трох раздзелах разглядаецца развіццё асобных рэгіёнаў свету: ЗША і краін Еўропы; СССР і Расійскай Федэрацыі; краін Азіі, Афрыкі і Лацінскай Амерыкі. Улічваючы ўзрослую глабальную ўзаемазалежнасць усіх рэгіёнаў свету, у апошнім, чацвёртым раздзеле, разглядаюцца міжнародныя адносіны і праблемы, якія закранаюць увесь свет у цэлым.

Гісторыя Старажытнага свету, Вучэбны дапаможнік для 5 класа ўстаноў агульнай сярэдняй адукацыі з беларускай мовай иавучання, Частка 2, Кошалеў У.С., 2019.

Дарагія рабяты! Працягваецца ваша займальнае падарожжа ў далёкае мінулае. Вы пазнаёміцеся з гісторыяй першых цывілізацый, якія ўзніклі на тэрыторыі Еўропы. Гэтымі цывілізацыямі былі Старажытная Грэцыя і Старажытны Рым. Разам яны складаюць адзіную антычную цывілізацыю, або антычнасць.

Гісторыя Старажытнага свету, Вучэбны дапаможнік для 5 класа ўстаноў агульнай сярэдняй адукацыі з беларускай мовай иавучання, Частка 1, Кошалеў У.С., 2019.

Запрашаем вас ажыццявіць займальнае падарожжа ў часе. Разам з настаўнікам вы пабываеце на першабытнай стаянцы і зазірняце ў скарбніцы фараонаў. Даведаецеся, як шматлікія народы старажытнасці сеялі хлеб, вынаходзілі прылады працы, узводзілі гарады, палацы і храмы, стваралі пісьменнасць. Вы пазнаёміцеся з поглядамі вучоных і мысліцеляў, захопіцеся цудоўнымі творамі архітэктараў і скульптараў.

Гісторыя Старажытнага свету, Вучэбны дапаможнік для 5 класа ўстаноў агульнай сярэдняй адукацыі з беларускай мовай иавучання, Частка 2, Кошалеў У.С., 2014.

Вы ўжо пазнаёміліся з гісторыяй Старажытнага Усходу і Амерыкі. Зараз мы пераходзім да вывучэння першых цывілізацый, якія ўзніклі ў Еўропе. Гэтымі цывілізацыямі былі Старажытная Грэцыя і Старажытны Рым. Разам яны складаюць адзіную антычную цывілізацыю, або анты????чнасць. Паняцце «антычнасць» паходзіць ад лацінскага слова «антыквус», што азначае «старажытны», або «старажытнасць». Але яно адносіцца толькі да грэка-рымскай старажытнасці. Калыскай антычнасці з’яўляецца Старажытная Грэцыя. Дасягненні Старажытнай Грэцыі атрымаў у спадчыну Старажытны Рым. Грэка-рымская старажытнасць стала асновай сучаснай еўрапейскай цывілізацыі. Вялікую ролю ў гісторыі антычных дзяржаў, а гэта значыць і ўсёй Еўропы, адыгралі так званыя варварскія народы.

Сусветная гісторыя Новага часу, XIX - пачатак XXI ст., 11 клас, Кошалеў У.С., Кошалева Н.У., Краснова М.А., 2021.

Шаноўныя адзінаццацікласнікі! Сусветную гісторыю ХІХ — пачатку ХХІ ст. вы ўжо вывучалі ў 8 і 9 класах. У 11 класе вам трэба будзе авалодаць асновамі навуковага падыходу да вывучэння гісторыі. Бо асноўная мэта дадзенага курса — абагульніць і сістэматызаваць веды, асэнсаваць гістарычны працэс, зразумець заканамернасці і тэндэнцыі гістарычнага развіцця, што асабліва важна для разумення свету, у якім вы жывяце. Таму пры вывучэнні матэрыялу большая ўвага будзе надавацца не пытанню «Як гэта адбылося?», а пытанню «Чаму гэта адбылося?».

Сусветная гісторыя Новага часу, XIX - пачатак XX ст., 8 клас, Кошалеў У.С., Кошалева Н.У., Байдакова Н.В., 2018.

Шаноўныя васьмікласнікі! У 8-м класе вы працягнеце вывучаць гісторыю Новага часу і пазнаёміцеся з другім перыядам гэтай гістарычнай эпохі, які ахоплівае XIX — пачатак XX ст. Пачынаецца ён напалеонаўскімі войнамі і завяршаецца Першай сусветнай вайной 1914—1918 гг. Вучэбны дапаможнік складаецца з пяці раздзелаў: «Заходняя Еўропа», «Краіны Паўночнай і Паўднёвай Амерыкі», «Расійская імперыя. Славянскія краіны», «Краіны Азіі і Афрыкі», «Першая сусветная вайна». Яны, у сваю чаргу, падзяляюцца на параграфы.