Учебник по французскому языку для 2 класса на узбекском языке.
Umid qilamizki, yozgi ta’tilni maroqli oʻtkazib keldingiz. Sizga yaqin boʻlib qolgan doʻstlaringiz Teo, Lea, Kamol va Azizalar ham ulgʻayib, fransuz tilini oʻrganishni davom ettirishga tayyor turishibdi. Bu yilgi darsligingiz “Salut 2” deb nomlandi. Bu “Salut 1” darsligining davomidir. 1-sinfda siz uchun tanish boʻlib ulgurgan quvnoq, zukko va ilmga chanqoq doʻstlaringiz yangi bilimlarni oʻrganishda yana sizga hamroh boʻladi. Bir yil davomida fransuz alifbosini, harflarning yozilish qoidalarini va turli xil mavzularga oid qiziqarli mashqlar, oʻyinlar, topishmoqlar, tez aytishlar, qoʻshiq va she'rlarni oʻrganasiz. Shu bilan birga oʻz ijodiy ishlaringizni, ixtirolaringizni yaratish imkoniga ham ega boʻlasiz. Eng asosiysi, fransuz tilida nafaqat ogʻzaki gapirish, balki yozish koʻnikmalarini egallaysiz. “Salut 2” toʻplami darslik, mashq daftari, multimedia ilovasi va ustozlar uchun metodik qoʻllanmani oʻz ichiga oladi. Ushbu darslik siz uchun yaqin doʻst va yordamchi boʻladi deb umid qilamiz.
