учебник на узбекском языке

Tasviriy san’at, 3 sinf, Isoqova M., Hasanov R., Haydarov B., 2019.

Учебник по изобразительному искусству для 3 класса на узбекском языке.

Фрагмент из книги:
Turli rangdagi bo‘yoqlarni o‘zaro aralashtirib yangi rang hosil qilinadi. Ular atlas matosi uchun rang tanlashda qollanishi mumkin. Atlas matosi uchun eskiz ishlash uchun imkoni boricha guash bo‘yoqlaridan foydalanish tavsiya etiladi. Chunki guash bo‘yog‘i yuzani qoplash xususiyatiga ega. Akvarel bo‘yoqlar esa shaffof bolgani sababli aniq ranglar hosil qilishi uchun bir necha marta rang berish lozim boladi.

Odobnoma, 4 sinf, Хoliqova M., Ergasheva Sh., 2017.

Учебник по этике для 4 класса на узбекском языке.

   Aziz o‘quvchi! Qo‘lingizda turgan kitob sizning 1-2-3-sinflarda «Odobnoma» fanidan olgan bilimlaringizni boyitadi. Bu kitob bilan do‘st tutinsangiz, nafaqat odob-axloq qoidalari, balki hayotda o‘zingiz uchun kerak bo‘ladigan juda ko‘p ma’lumotlarni bilib olasiz.
Siz asta-sekin ulg‘ayib, katta hayot sari qadam qo‘ymoqdasiz. Ana shu hayot bilan tanishishingizda, uning tartib-qoidalarini o‘zlashtirishingizda «Odobnoma» darsligi yordamga keladi.
E’tiboringizga havola etilayotgan ushbu darslikda bu kabi qimmatli fikrlar juda ko‘p. O‘ylaymizki, Siz ularni qunt bilan o‘qiysiz va hayotda ularga amal qilasiz.

Musiqa, 4 sinf, Ibrohimov О., 2017.

Учебник по музыке для 4 класса на узбекском языке.

Aziz o‘quvchi! Наr bir xalqning orombaxsh kuy-ohanglari, qo‘shiq-aytimlari, bir so‘z bilan aytganda, milliy musiqasi boMadi. Xalq musiqasi — ko‘p va uzoq asrlik sinovlardan o‘tgan va qalbimizga jo bo‘lgan ma’naviy boyligimizdir.
Xilma-xil cholg‘ularimiz va ularda sadolanib kelayotgan milliy navolarimiz esa ana shu ma’naviy boylikning ajralmas qismidir.
Qo‘lingizdagi darslik sizlarni ana shunday ma’naviy go‘zallik va boyliklardan bahramand etish istagida yozilgan.
Unda xalqimizning turmush tarzi, mehnat faoliyati va turli bayram marosimlari bilan bog‘liq qo‘shiqlari, milliy cholg‘ulari haqidagi ma’lumotlar bilan tanishasiz, noyob kuy-qo‘shiqlarni tinglaysiz, ulardan ayrim namunalarni kuylashga o‘rganasiz. Shuningdek, O‘zbekiston bastakorlari va kompozitorlarining Siz o‘quvchilar uchun ijod etgan qo‘shiqlari bilan tanishasiz!

Tabiatshunoslik, 3 sinf, Bahromov А., 2019.

Учебник по естествознанию для 3 класса на узбекском языке.

Фрагмент из книги:
Tunda osmonda Oy va yulduzlar ko‘rinadi. Kunduzi Quyosh Yer yuzini yoritadi va isitadi. Quyosh nuridan tog‘, yaylov, o‘rmon va cho‘llardagi o‘simliklar o‘sadi. Tog‘ va tekisliklarda, o‘rmon va cho‘llarda turli hayvonlar yashaydi. Osmonda har xil qushlar parvoz qiladi. Ba’zida osmonda bulutlar paydo bo‘ladi. Ayrim kunlari yomg‘ir yog‘adi. Havo sovib 0°C dan pasayganda esa qor yog‘adi. Qor, muz va yomg‘ir suvlaridan daryolar hosil bo‘ladi. Ko‘pgina daryolar suvi ko‘l yoki dengizlarga quyiladi. Daryo, ko‘l va dengizlar har xil suv o‘tlari va hayvonlariga boy. Bularning barchasi tabiatdir.

Jismoniy tarbiya, 4 sinf, Mahkamjonov K., Xo‘jayev F., 2017.

Учебник по физкультуре для 4 класса на узбекском языке.

   Ushbu o‘quv qo‘llanma uchta bo‘limdan iborat bo‘lib, siz, aziz bolalar, birinchi, ya’ni „Jismoniy tarbiya va sportga oid nazariy bilim asoslari“ bo‘limida jismoniy tarbiya va sportga oid, organizmni chiniqtirish, jismoniy tarbiya jarayonida har xil shikastlanishlar yuz berganda birinchi yordam ko‘rsatish, to‘g‘ri qad-qomatni shakllantirish hamda jismoniy mashqlarni bajarishda to‘g‘ri nafas olish haqida nazariy bilim asoslari bilan tanishasiz.
Bu nazariy bilimlarni egallashingiz uchun, birinchi navbatda, o‘z kun tartibingizni tuzib, unga qat’iy rioya qilishingiz, mustaqil badantarbiya mashqlarini bajarish jarayoniga qo‘yiladigan gigiyenik talablarga rioya qilish ko‘nikmasini egallashingiz zarur.

Deutsch mit Spaß 4, 4 sinf, Dadaxodjayeva M., 2016.

Учебник по немецкому языку для 4 класса на узбекском языке.

   «Deutsch mit Spaß 4» o‘quv metodik majmuasi O‘zbekiston Respublikasi Prezidentining 2012-yil 10-dekabrdagi «Chet tillarini o‘rganish tizimini yanada takomillashtirish chora-tadbirlari to‘g‘risida»gi PQ-1875-sonli qarorida belgilangan talablar va vazifalardan kelib chiqqan holda nemis tilini o‘rgatishning zamonaviy va ilg‘or pedagogik texnologiyalar hamda metodlar tamoyillari asosida yaratildi. O‘quv-metodik majmua, darslik, ish daftari, multimedia resursi hamda o‘qituvchi uchun metodik qo‘llanmadan iborat bo‘lib, ular yaxlit bir holda 4-sinfga qadam qo‘ygan farzandlaringizning nemis tilida saboq olishlariga baholi qudrat yordam beradigan ko‘pdan ko‘p qiziqarli kommunikativ o‘yinlar, she’rlar, qo‘shiqlar va matnlarni o‘z ichiga olgan. Ularni farzandlaringiz tomonidan o‘zlashtirishda, Siz aziz ustozlar va ota-onalarning hissasi beqiyosdir.
O‘qish, yozuv, tinglab tushunish va gapirish asosida nemis tilini o‘rgatishga mo‘ljallangan ushbu o‘quv-metodik majmua ayrim kamchiliklardan xoli emasligi tabiiy. Shu bois o‘quv metodik majmua yuzasidan bildiradigan fi krlaringiz biz muallifl ar uchun qimmatlidir. O‘quv-metodik majmua bolajonlarni zeriktirib qo‘ymaydi, aksincha, nemis tilini o‘rganishga ishtiyoq uyg‘otish bilan bir qatorda olam-olam quvonch ham bag‘ishlaydi degan umiddamiz.

Kids’ English, 4 sinf, Xan S., Jo‘rayev L., Ogay M., 2018.

Учебник по английскому языку для 3 класса на узбекском языке.

   Mualliflar «Kids’ English 4» o‘quv-metodik majmuasining yaratilishida ko£rsatgan beminnat yordamlari va bergan qimmatli maslahatlari uchun Britaniya Kengashi direktori hamda Respublika ta’lim markazi mutaxassislariga o‘z minnatdorchiliklarini bildiradilar.
Majmuani sinovdan o‘tkazishda ishtirok etgan respublikamizning barcha maktab o‘qituvchilari va o‘quvchilariga, mazkur majmua bo‘yicha 1-4-sinflar o‘qituvchilarini tayyorlashda qatnashgan trenerlarga, shuningdek, Buyuk Britaniya Norvidj til o‘rgatish instituti akademik direktori Rod Bolaytoga, IATEFL vakili Les Kirkxemga, ingliz tili taMimi bo‘yicha xalqaro maslahatchilar Uendi Arnold, Bern Bryuerton, Di Broton va barcha taqrizchilarga tashakkur izhor etadilar.
Ushbu o‘quv-metodik majmua Chet tillarini o‘qitishning innovatsion metodikalarini rivojlantirish Respublika ilmiy-amaliy markazi ishtirokida yaratildi.

O‘qish kitobi, 3 sinf, Umarova M., Xamrakulova X., Tojiboyeva R., 2019.

Учебник по чтению для 3 класса на узбекском языке.

Фрагмент из книги:
Dunyoda yurtlar ko‘p, turli xalqlar yashaydi. Lekin har bir odam bolasining aziz bilgan tuprog‘i bor.
Bu tug‘ilib o‘sgan joyi, o‘z Vatanidir.
Bizning Vatanimiz esa - jonajon O‘zbekiston! Biz mana shu aziz zamin farzandlarimiz! Biz ulug‘ bobolarimizdan meros bu azim tuproqning har zarrasini ko‘zga surtamiz, muqaddas hisoblaymiz!
Aslida, yer yuzasini qamrab turgan barcha hududning tuprog‘i bir xil. Biroq uni tabarruk qilguvchi shu zamin egalaridir.