сказки на узбекском языке

Ertaklar, Farishta mimning boshidan kechirganlari.

Farishtalar saltanatidagi o'n besh yoshni qarshi olgan har bir farishta sayohatga chiqishi zarur.

Oqshom ertaklari olami 9, Rixsiyeva L., 2016.

Ertaklar xalqning ko'ngil oynasi bo'lib, ularda xalqning orzu-umidlari, armonlari, ezgu niyatlari, ichki kechinmalari yorqin aks etadi. Ertaklar vositasida yosh avlod go'zallikni anglash, uni qadrlash ruhida tarbiyalanadi. Xalq og'zaki ijodining boshqa turlari singari, ertaklar mana shu jihatdan ham jamiyat hayotida muhim rol o'ynaydi.

Ertaklar olami, 10-kitob, 2017.

O'zbek xalq ertaklari va jahon xalqlari ertaklarining go'zal namunalaridan bahra oling. Ular axloqiy, tarbiyaviy ahamiatga egaligi bilan boshqa janirlardan ajralib turadi. Ertaklar asosan bolalar tarbiyasida samarali vosita sanaladi hamda bolalar ongiga insonparvarlik, vatanparvarlik tuyg'ularini singdiruvchi eng samarali omillardan biri bo'lgani bois, o'zbek xalqimiz ertaklarga juda katta hurmat bilan qaraylik.

Ertaklar - ezgulikni ardoqlar, Arslonova M., 2007.

Muqaddasxon Arslonova mam bir necha yildirki qalam tebratib kelmoqda. lining qissalari, she'rlari va ertaklarini xalqimiz sevib o'qib kelmoqda. «Ertaklar - ezgulikni ardoqlar» nomli kitobi uning uchinchi kitobi bo'lib, bu ham o'z muxlislari qalbidan chuqur o'rin oladi, degan umiddaman. Men bu dang'aralik yosh ijodkor qizimizga omad va baxt tilab qolaman.

Sehrli uzuk, Hind xalq ertaklari/ruschadan, Yoqubov A., 2015.

Hind xalqining ajoyib voqealarga, turfa sarguzashtlarga boy ertaklari bolalarning jon-u dili. Chunki Hindistonning betakror tabiati har bir insonni o‘ziga maftun etishi tabiiy. Ana shunday betakror tabiat olamida ertak qahramonlari bilan birga bo‘lish, ularning ezgu orzu umidlarini his etish, yovuzlik ustidan ular bilan birga g‘alaba qozonish ertaksevar bolalarni doimo o‘ziga chorlaydi. Ana shularni hisobga olgan holda o‘tgan asrning 70-yillarida mohir tarjimon Ahmadjon Yoqubov tomonidan o‘zbek tiliga o‘girilgan hind xalqining sara ertaklarini qayta nashr etishga jazm etdik. Zero, ertaklar bolalarga doimo quvonch bag‘ishlaydi, ularning dunyoqarashini kengaytiradi, ezgulikka oshno qiladi. Hind xalq ertaklarini qayta nashrga tayyorlash jarayonida ertaklarning ma’no-mazmuni, bolalarning yoshiga mosligi to‘liq ko‘rib chiqildi. Dastlabki nashrda yo‘l qo‘yilgan ayrim kamchiliklar tuzatildi. Qo‘lingizdagi kitobda qahramonlik, do‘stlik, sadoqat, mehr-oqibat va boshqa go‘zal insoniy xislatlar haqidagi ertaklar jamlangan. Bu ertaklar siz aziz kitobxonlarga ham manzur bo‘ladi degan umiddamiz.

Yalqov to‘quvchi, Ertaklar, Aka-uka Grimm, 2015.

Ushbu kitobda aka-uka Grimmlarning saralangan ertaklari jamlangan. Ularni Grimmlar xalq og‘zidan yozib olib, olmon adabiy tili normalariga moslashtirgach, dastlab 1812-yilda chop ettirishgan. Bugungi kunga qadar mazkur ertaklar 190 ga yaqin dunyo tillariga tarjima qilingan. Ularda olmon xalqining orzu-umidlari, orzularga yetishish yo‘lida uchraydigan mashaqqatlar va ularni yengish yo‘llari, adolat uchun kurash, do‘stlik, Vatanga muhabbat, ahdga sadoqat kabi mavzular turli obrazlarda ifoda etilgan. Sarguzashtlarga boy va quvnoq ertaklarni o‘zida jamlagan mazkur mo‘jaz xazina aka-uka Grimmlarning «Mittivoylar sovg‘asi» nomli 1-kitobining mantiqiy davomi hisoblanadi.

Uch og‘ayni botirlar, O‘zbek xalq ertaklari, 2016.

Mazkur to‘plamdan o‘rin olgan ertaklarni biz bolaligimizda bobojonlarimizdan, buvijonlarimizdan eshitib ulg‘ayganmiz. Insonlarni mardlikka chorlovchi, saxiy va bag‘rikeng bo‘lishga undovchi, hayotda yashashdan maqsad odamlarga yaxshilik qilish va ular o‘rtasiga ezgulik urug‘larini sochish, qo‘yingki, barcha ulug‘ insoniy fazilatlar ulug‘langan xalq ertaklari endi bizning farzandlarimiz qalbiga ham yetib borsin, degan niyat bilan nashrga tayyorlayotgan mazkur kitobimiz bizning navbatdagi tuhfamizdir. Bolalarimiz bilan bolaligimizga qaytish zavqini, bolalari mizning quvonchiga sherik bo‘lish baxtini sizga-da ilinamiz.